Meera Decided To Meet Molana Tariq Jameel
Pakistan tahreek e insaf kay chairmain Imran Khan say shadi ki umeedwar adakara Meera nay bhi mashhoor alm e deen molana Tariq Jameel say rabty ka faisla kar liya hai. Aur ainda hafty honay wali motwaqa mulaqat main woh dili skoon kay liye dua ki darkhwast karain gi.
Khabr rasan agency "online" aur mukhtlif media reports kay mutabiq ghiar mulki website ko diye gaye interview main adakara Meera nay bataya kay woh zahni skoon kay liye maroof alm e deen molana Tariq Jameel say rabty ka irada rakhti hain. Unka kahna tha kay woh apni zindagi say mutmain nahein aur zahni skoon chahti hain. Is silsly main woh molana Tariq Jameel say dua ki darkhwast karain gi. Kaha ja raha hai kay adakara ka zahni skoon gharat honay ki asal wajah Imran Khan ki shadi hai. Keo kay woh Imran khan say shadi ki buhat shidat say khwahish mand thein. Unhon nay aik nahein do bar Imran khan ko shadi ka proposal bhaja tha. Aik bar tab jub unhon nay PTI kay jalsay main shadi ki khwahish ka izhar kia tha laikin unhon nay tal dia aur dosri bar tab jub dharnay kay ikhttam par un ki shadi ki khabrain gardish karnay lagein laikin Imran Khan nay is bar bhi unka dil tor dia aur Reham Khan ko apna shareek e safar chun liya. Meera kai bar media par apni is khawahish kay hawaly say bayanat bhi day chuki thein. So Imran khan ki shadi nay aur un kay reject hony nay unhain kafi disturb kar dia hai jis ki wajah say woh molana Tariq Jameel say milna chahti hian.
Yad rahy kay Molana Tariq Jameel showbiz aur khail say wabasta logon ki zindagyan badlany main mashhoor hain. Aur kaha jata hay kay Veena malik, Junaid Jamshaid, Said Anwar, Mohammad Yousaf, Shoab Akhtar molan Tariq Jameel ki wajah say hi tabdeel hovay hain.
.gif)
