Reason Of Peshawar Attack In Ameer e Jamaat Taliban View
Tahreek e Taliban nay apnay is zalimana ikdam ko jaiz karar dainy kay liye aik ajeeb mantaq da dali. In badbakhtoon nay apny zulm ko, masoom bachoon kay katal kay liye kaha hai kay yeh bilkul jaiz hai aur hadees sharif kay ain mutabik hai. Tahreek e Taliban kay ameer kharasani ka bayan manzar e aam par aya hai jis main us nay wazahat ki hai kay peshawar kay bachoon ka karl e aam ain islami taalimat kay mutabik hain. Taliban ko bary bachoon kay katal ka kaha gia tha. Qk banu qureza ( aik yahodi kabila) kay bary main bhi yahin kaha gia tha kay in kay un bachoon ko katal kia jay jin kay zeer e naaf baal dakhai dainy lagy hoon. Or is kay saboot kay mutabik sahe bukhri hadis no 148 jild 5 ka hawala dia gia hai.
Jub kay is hadees ki hakikat kuch aur hi hai qk banu quraiza ka faisla to NAbi Kareem saww nay kia hi nahein tha. Yeh to badbakhti the yahod kay sardar ki kay jis na banu kunakaa kay baraks Rasool Allah say faisla karana pasand na farmaya aur Nabi Rahmat ki bajay apnay puranay haleef Saad bin MAaz par aitmad ka izhar kia kay hamain unka har faisla manzoor hai. HAzrat Saad Bin MAaz jo Ghazwa e Khandakmain zahreela teer lagnay say zakhmi ho gay thy aur Allah say dua kar rahy thy kay " Ay Allah mujhy is waqt tak mot na dena jub tak main banu quraiza ki bad ahdi ka anjam apni ankhoon say na dakh loonn". Unhon nay thek toorat kay mutabik jo faisla tha kay ghadar qoamkay jitny kabl e jang log hain katal kar diye jain, nafiz kar dia. Rasool Allah nay tasdeek farmai kay A Saad to nay thek Allah ki kitab kay mutabik faisla kar dia. Jub kay yahood kay dosray kabeely kay motallik Rasool saww nay faisla farmaya kay jis main ijazat di gai kay wo apni jo chez utha sakty hain utha kar shahar say nikal jain. Agar banu nzeer bhi khud ko NAbi kreem saww kay hwaly khud ko kar daity to faisla koi aur hota. Koi bhi kbeela jis nay khud ko Nabi Rahmat saww kay hawaly kia kabhi bi katal nahein kia gia.
Banu quraiza kay is wakiy ko aj tak mulhadeen Rasoollah kay khilaf sawaliya nishan kay tor par paish karty thy. Taliban key is tarjuman nay jo mehmand agency ka mashhoor tareen agent hai jo choori kay motor cycle thikany lagaya karta tha, is nay bhi isko istmal kar kay mulhadeen ka kam aur asann kar dia . Laanat ho is jhoty makkar shakhs par jo Hadees shareef ko apni marzi kay mutabik rang daita hai.
.gif)
